Blog Archives

Bas ek Khwaab

Post: EtherealJinxed | Poem: Bas Ek Khwaab | Image Courtesy: SurrealAberrantAaj main hoon betaab,
khoye khoye hain yeh khwaab.
Aawaaz ek bulaaye,
khwaabon main kho jaaye.
Teri hasi, tera mazaak,
ban ke reh gaya…
… bas ek khwaab!

Aasmaan mein bhi yeh rang,
badal se kyun gaye hain?
Din-b-din jo guzre,
baat bhi na ho paaye.
Teri hasi, tera mazaak,
ban ke reh gaya…
… bas ek khwaab!

Taare ginti hoon main,
ki tujhe bhool jaaoon.
Per taaron mein bhi tu hai,
har ek khwaab mein tu hai.

Jab bhi tu muskuraaye,
mera din ban jaaye.
Jab bhi main sochti hoon,
soch ke hi doobti hoon.
Teri hasi, tera mazaak,
ban ke reh gaya…
… Bas Ek Khwaab!

Sooraj

Mera ek friend hai
Sooraj uska naam
Karta hai kaarnaamei
Aur mujh ko yun hi laugh

Karta sab kuch wo
Meri pasand ka khayal
Kaise wo jaan jaata hai
Mere dil ka haal

Palko pe rakh k
Saansei yun hi dhadakne lagi
Anjaane mei hi sahi
Kab usko like kar baithi

Doston ki chhed chhad mei
Kab puraane gam bhula baithi
Kitabon k panno ki tarah
Kab ye kahaani badhti chali gayi

Par mera ek friend hai
Sooraj uska naam
Karta hai kaarnaamei
Aur mujh ko yun hi laugh

Itti si

Post: EtherealJinxed | Poem: Itti si | Image Courtesy: Alok Gunjan

Saaki

SaakiKaise kiya tha, o sakhi
Wo kadam badhaye they kaise
Rukh hi toh modne ka sahash kiya tha tu ne
Bhale tab sab mitti mei mil gaye they.

Darpan hai wo, mera pratibimb hai
Kaise chunun kis shakshiyat ko
Bas yehi toh mere jeevan ki dor hai.

Kuch achha idhar hai, kuch accha udhar
Kuch bura idhar hai, kuch bura udhar
Aur is idhar udhar k chakkar mei
Sab bera-gark hai.

Kaha tha us ko ek baar
Kaidd kar k rakh lena
Kabhi jaane na dena
Par sabki apni zindagi hai
Koi kisi ka kabhi thode hi hai
Na kabhi ban sakega
Na main aur na wo khud.

Prerana leni hai tujhse
Sikhna hai bahut kuch ab bhi
Har sambhav koshish karte rehna hai mujhko
Zindagi k palon ko ullas mei jo tabdil karna hai.

Kar sakungi kya
Kya itni himmat hai mujh mei
Talaab k us paar jaane par bhi
Kahin patthar hi toh na milenge.

Sab kuch bas ek soch hai
Jeevan ki ek kashish hai.
Yun aate hain bas yaad kisi k shabd aaj
Ki zindagi ek safar hai bas sifar se sifar tak.

 

Added February 13, 2014:
Why did I call my poem ‘Saaki’? The metamorphic reference as per some Hindi songs, of course, means a lover. However, the actual meaning of the word is a bar girl who serves drinks. And in the context of the poem, I am sitting in a bar, drinking, with no one at my side and in that state, to her, I dedicate this piece.

%d bloggers like this: